Dil haar gaya, gham jeet gaya .

Kehne ko wo pehli chaahat thi
Wo jis mein junoo(n) tha, shiddat thi
Paakeeza thi, anmol thi wo
Khaabon k jahaa(n) ki ulfat thi
Mehboob ko bhi ma'loom na tha
Aaisi khaamosh mohabbat thi
Khaamosh rahi be-kaar hui
Na jeet hui na haar hui
Phir waqt ne apni chaal chali
Wo furqat se do-chaar hui
Kaisi khaamosh mohabbat thi
Gulzaar se phir wo khaar hui
Furqat se junoo(n) mein aag lagi
Is dil k sukoo(n) mein aag lagi
Ashkon ki larri aankhon se bandhi
Is jism k khoo(n) mein aag lagi
Phir waqt ne apni chaal chali
Dil se wo khumaar-e-preet gaya
Honton se wafa ka geet gaya
Kehne ko wo pehli chaahat thi
Us ka bhi zamaana beet gaya
Hijraa(n) ki shabon se larr larr kar
Dil haar gaya, gham jeet gaya .

haseen wafaa

Rehmat, qaram, aur wo haseen wafaa aapki..
shuru-shuru main tho gazab hi thi adaa aapki...

Taa-umra isee guman main rahe khush hum...
Ki ye jo jafaa hai, yahi hai wafaa aapki...

Meri zinadagi ki nemat tere hi dum se thi..
aur yeh jo ab maut hai yeh bhi hai adaa aapki...

Jhar- jhar ke baha tho rahe ho aansu mere gum main magar...
rok tho lo yeh dil ki hansi zaraa aapki...

Meraa hi dil kamzarf thaa tere jaate hi ruk gayaa...
isme batao kyaa thi bhalaa khataa aapki.....

Meri umra tujhe lag jaye e mere sanam...
ab yahi hai mere qatl ke badle sazaa aapki...........

bichhadne ka ishara kar kay

Baaton baaton mein bichhadne ka ishara kar kay,
Khud bhi royi woh bohut hum se kinara kar kay,

Sochta rehta hoon tanhaayi main anjaam-e-khuloos,
Phir usi jurm-e-mohabbat ko dobara kar kay,

Jagmaga di hain terey sheher ki galiyaan main ne,
Apnay ashkon ko palkon pe sitara kar kay,

Dekh letey hain chalo hausla apne dil ka,
Aur kuch roz tere saath guzara kar kay,

Aik hi sheher mein rehna hai magar milna nahi,
Dekhtey hain yeh aziyat bhi gawara kar kay,

ankhain bheeg jati hain

samander main uterta hon tu ankhain bheeg jati hain
unki ankhon ko perhta hon tu ankhain bheeg jati hain

ek unka naam likhnay ki ijazat chin gaii jab se
koii bhi lafz likhta hoon tu ankhain bheeg jati hain

unki yadon ki khushbo khirkiyon main raks kerti hai
unke gham main sulagta hoon tu ankhain bheeg jati hain

main hans k jhel leta hoon judaii ki sabhi rasmain
galay jab unke lagta hoon tu ankhain bheeg jati hain

woh sab guzray howay lamhey mujh ko yaad atay hain
unke khat jo perhta hoon tu ankhain bheeg jati hain

main sara din bohat masroof rehta hon mager jonhi
qadam chokhat pe rakhta hoon tu ankhain bheeg jati hain

hazaron mosmon ki hukmarani hai mere dil per
basi main jab bhi hansta hoon tu ankhain bheeg jati hain

DUBTI HUYI KASTI

DUBTI HUYI KASTI KO SAVARTE KISNE DEKHA HAI,
BARBAD KINARO KO BASTE KISNE DEKHA HAI,
BIN BADAL KE MEGHO KO BARASTE KIS NE DEKHA HAI,
ISHQ TO SIRF CHADHTA HAI UTARTE KIS NE DEKHA HAI ...

AJIB SHAKHS

WOH MERE HAAL PE ROYA BHI AUR MUSHKURAYA BHI,
AJIB SHAKHS HAI APNA BHI HAI AUR PARAYAA BHI ...

DAASTAN-E-GHAM,

JINE KA RAAZ HUMNE MOHABBAT ME PA LIYA,
JISKA BHI GHAM MILA USHE APNA BANA LIYA,
JAB DIL KIYA SUNANE KO DAASTAN-E-GHAM,
SAMNE AAINA RAKH KAR KHUD KO HI SUNA LIYA ...