Suno !!! Suno Tum Lot Aao Na

Suno !!! Suno Tum Lot Aao Na

Jahan tum ho wo dunia kab tumhari hai
K soraj dhal gaya ha Aur Haseen ik sham utri hai
wo dekho chand nikla hai sitary jagmgaey hain
Humari Muntazir Ankhen
Duaian mangti Ankhen
Tumhain hi sochti Ankhen
Tumhain hi Dhondti Ankhen
Tumhain Wapis bulati hain
Tumara Aks phir shaid Meri palkon main utra hai
Koi Ansoo ager aya Baha ker
ab na le jaey Ye Dil jab bhi dharkta hai
tumara nam Leta ha Ye Ansoo jab bhi behty hain
Tumharay dukh main behty hain
K barish jab bi hoti ha tumhay hi yad karti ha
Khushi koi jo aaiea gi tumary bin adhoori ha

Suno Tum Lot Aao Na Suno Tum Lot Aao Na !!!

LAHO HAR LAFZ ROTA HAI…!

Yehi wada lia tha na
Hmaisha khush he rehna hai
To daikho, daikh lo a kar
Meri ankhun ko daikho tum
Yeh kitni shokh lagti hain
Mere honton ko daikho tum
Hmaisha muskuratay hain
Koi bhi gham agar aya
Isy hans kar saha main ne
Mere chehry ko daikho tum
Hmaisha purskun hoga
TU SOCHO GAY…
Kiya tha mein ne jo tum se
Wo wada kar dia pora,
Magar ek bat hai pyare,
Kbhi jo waqt mil jay
To meri shayri parhna,
Tmhain mehsos tu hoga,
Kahein talkhi bhara lehja
Kahein pe sard sa lehja,
Kehein pe dard ki jhealain
Kehein lehje ki karwaht,
SUNO…
Mein khush tu hon lakin
LAHO HAR LAFZ ROTA HAI
LAHO HAR LAFZ ROTA HAI…!

Woh phir say mil gaya tu phir

Yeh dard mit gaya tu phir?
Yeh zakhm sil gaya to phir?
Bichar kar sochta hon mein
Woh phir say mil gaya tu phir?
Mein titlion k shehar mein
Rahon tu mujh ko fikar hai
Woh phool jo khila nahin
Woh phool khil gaya tu phir?
Tujhay bhi kuch nahi mila
Mujhay bhi kuch nahi mila
Tamam umar k liye
Yeh dard mil gaya tu phir?

ashq nahin hai aankhon mein

chup hai har waqt ka rone waala;
kuchh na kuchh aaj hai hone waala.
ek bhi ashq nahin hai aankhon mein;
sakht-jaan… kitna hai rone waala.
aaj kaanton ka bhi haqdaar nahin;
haar phoolon ke pirone waala.
kho gayaa dard ki tasweeron mein;
pyaar ke rang bhigone waala.
fasl ashqon ki ug aayee kaise;
kyaa kahe …kahkahe bone waala.
baant-ta firta hai auron ko hansee;
khud ko ashqon mein dubone waala.
mutmayeen ab hain yahi soch ke hum;
ho rahega hai jo hone waala.

Gar Mere Bas Me Hota

Apna Use Banana Gar Mere Bas Me Hota
Lout Ata Lout Aana Gar Mere Bas Me Hota

Ankhon Me Unki Jata Surat Badal Badal Kar
Khawabon Me Aana Jana Gar Mere Bas Me Hota

Chahere Ko Muskrahat Se Mai Sajaye Rakhta Hamesha
Aye Yaar Muskrana Gar Mere Bas Me Hota

Duniya Se Qatam Karke Rakh Deta Ranj O Gham Ko
Agar Ranj O Gham ko Mitana Mere Bas Me Hota

Qadmon Me Unke Lakar Taare Bekhair Deta
Taaron Ko Tod Lana Gar Mere Bas Me Hota

Lata Na Naam Bhi Mai Us Bewafa Ka Lab Per
"*****" Ko Bhulana Gar Mere Bas Me Hota

manzil mile na mile

Rok lo qadam jee bhar ke dekhlo

hamara tumhara saath bas yahin tak tha

manzil mile na mile ab hamari kismat

ke zindagi ke saath safar bas yahin tak tha

tum chal nahi sakte is se aage ek qadam

ruk jao ke phoolon ke chaman yahin tak tha

aage arahe hain gham …mujh se milne gale

ke apni khushiyon ka thikana bas yahin tak tha

uttho aur naye hamraahi talash karo

ke yeh khuwaab suhana  safar bas yahin tak tha...