Mil jaaye agar woh

Kyon door ho kar bhi Koi dil ke paas rehta hai.
Dil ke paas ho kar bhi Kyon us ka intezaar rehta hai.


Yeh kaisa dard hai Jo meetha sa lagta hai.
Mehfil mein hoon magar Mujhe tanha sa lagta hai.


Kyon ham har pal Unke khayaalon mein khoy rehte hain.
Unke hi khayaalon se Apni duniya sajaaye rehte hain.


Kyon lagta hai Ham unke bina adhoore hain.
Mil jaaye agar woh Tau saare sapne pooray hain......

Tamasha

Yeh Bhi Aik Tamasha Hai Bazar e Ulfat Mein NEE..
DiL Kisi Ka Hota Hai Bas Kisi Ka Chalta Hai..

kis ki talab hai mujh ko

Dil ki dhadhkan hai,khyaalon mein mere rehta hai

Kaun hai woh, jo swaalon mein mere rehta hai


Jis ka dekha na khwaab us se wafa karta hoon

Dil ke aaine mein main us se mila karta hoon


Main nahin jaanta yeh kis ki talab hai mujh ko

Kis ka armaan iraadon mein mere rehta hai


Khwaab hai woh mera, taabeer dilaaon kaise

Apni hasrat ko main, taqdeer banaaon kaise


Mujh ko milta hai sakoon, us ka tasavur kar ke

Woh ishara, jo isharon mein mere rehta hai


Kis ki tareef mein likhi yeh ghazal kya janu

Kis ko kehta hoon mohabbat ka kanwal kya janu


Main tau bas aik hi umeed mein rehta hoon sadaa

Us ko dekhoon jo nazron mein meri rehta hai..........

ek din vo laut aaegi….

Thak gayi hain raah dekhkar par,

Aankhon me chamak abhi baaki hai.



Dhoop se murjhaae hain par,

Phoolo me mahek abhi baaki hai.



Hai vishwas mann me abhi talak,

Meri dua kabhi to rang laaegi,



Phoolo ki mahek bhi mujhse,

Kahati hai ek din vo laut aaegi….

kadam teri janib uthey jaate hain

Ashq reh reh kar meri aankhon se bahey jaate hain,

Yeh woh mehmaan hain jo,bin bulaye chale aate hain.

Hijar ke mausam mein dilon ka sisakana saari raat,

Shama khamosh hai magar ham tau jale jaate hain.

Baat kehni thi nermi se magar zubano ki talkhi,

Lafz kharon ki tarah dil mein chubhe jaate hain.

Meri bebasi pe rota hai,barasta aasman abhi bhi,

Yeh woh baadal hain jo aahon se buney jaate hain.

Aaj phir tere dil ne humein tarap kar pukara aise,

Bina rahon ke kadam teri janib uthey jaate hain.............

Hua jo Dur

Bichad kar Woh bhi Mujhse Qareeb hota gaya ,,,
Ke Apni Yaad Meri Zaat main Samata gaya ,,,

Woh saath hote hue is Qadar Qareeb na tha ,,,
Hua jo Dur to Phir Jism-o-Jaan hota gaya

bahar ki khwaish,

Bichhda hai jo ek baar use milte nahi dekha,

Is jakhm ko humne kabhi silte nahi dekha,

Jis bhi chaman ne ki bahar ki khwaish,

Unme koi phool kabhi khilte nahi dekha,

Patjhad me un shakhon se patte juda huye,

Aandhiyo me bhi jinko kabhi hilte nahi dekha…

Aatish-e-shoaq

haathon main pighal janay ko jee chahta hay
Aatish-e-shoaq main jal janay ko jee chahta hay…

Tujh say ik raaz ki sargoshi bhi karna chahoon
Phir wohi raaz nigal janay ko jee chahta hay…

Dil yeh chahay kay tere dil main rahoon dil ban kay
Phir usi dil say nikal janay ko jee chahta hay…

Wehshat abad makanon main nahi jee lagta
Sheher say door nikal janay ko jee chahta hay…

Hum say yeh rasm ki zanjeer bhi kab toot saki
Dil ki zidd par bhi machal janay ko jee chahta hay

Sukoon

Jo Gehri Neend Sote Hain, Mohabbat Kar Nahi Sakte ...

Sukoon Itna Kahan Haasil Mohabbat Kerne Walo'n Ko ?

zindagi badal gai

Waqt k sath sari zindagi badal gai,
Rishto ki b ab ahmiyat badal gai,
Chaha tha kisi ko khud se b zyada,
Wo chahat b magar narazgi me badal gai..

Wo aaj b shamil h mere sapno ki duniya me,
Magar sapno ki wo duniya hi ab badal gai,
Uske ane ka intzar to aaj b he,
Magar unki wo NA humari wo umeed b le gai..

Guzar jate h pass se wo ab ek ajnabi ki tarah,
Unse hone wali her mulakat ab ek itfak ban gai,
Nazar to aaj b milti he unse humari,
To kya hua jo us nazar me vo talash badal gai..

tera gham salaamat

Na haara hai ishq aur na duniya thakki hai ,
diya jal raha hai hawa chal rahi hai,




Sakoon hi sakoon hai khushi hi khushi hai,
tera gham salaamat mujhe kya kami hai........