halki halki barish thi

Kal halki halki barish thi,
Kal sard hawa ka raqs bhi tha,

Kal phool bhi nikhray nikhray the,
Kal un main app ka aqs bhi tha,

Kal badal gehray kaale the,
Kal chand pe laakhon pehre the..

Kuch tukry app ki yaadon ke,
Bari dair se dil main thehre the..

Kal yaadien uljhi uljhi thi,
Aur kal tak yeh na suljhi thi

Kal yaad buhat tum aayi thi…..
Kal yaad buhat tum aayi thi…..

anjaam bhala kya hota

Aur is ishq ka anjaam bhala kya hota
Dard jaisa koyi inaam bhala kya hota

Kaif milta hai jo is khaak nasheeni meiN hame
BistaroN par hume aaraam bhala kya hota

Dil ko jalne ki jo aadat hai to dozakh ki talab
Ye kabhi taarik-e-asnaam bhala kya hota

Kar diya hum ko jo ilzaam-e-mohabbat se bari
Is se baRh kar koyi ilzaam bhala kya hota

Jeetne waaloN meiN, na haarne waloN maiN hai naam
Apne jaisa koye naakaam bhala kya hota

ChHor jaate hai khaamoshi se tera shaher
Aur is shahar maiN badnaam bhala kya hota