"jinhone aastino main naag paale hain"

"jinhone aastino main naag paale hain"
"wo log be maut marne wale hain"
"zakhm bakhshe hain un ko phoolon ne"
"jisne patther nichod dale hain"
"raunke jisme ser-b-sajda thi"
"us haveli main aaj jaale hain"
"har parinde ki rooh larza hai"
"aise fande sunehre daale hain"
"sheesh mehlon ki aaj khair nahi"
"waqt ne sang wo uchale hain"
"sach ko jhutla diya tha jisne"
"aaj uski zubaan main chale hain"
"unko koi samajh nahi sakta"
"unke andaaz hi nirale hain"
"jo bhi qatil hamare hain "phool se chehre bhole bhale hain"

badalon ke darmiyaan

badalon ke darmiyaan kuch aisi saajish hue"
"mera mitti ka ghar tha,wahan hi baarish hue

tammanna

SILwaton ko chand ki chu kar aane ki tammana hui,
aaj phir unkii bahoon mein pighal jaane ki tammanna hui,

karti hai bahut nakhre meri hasrtein aajkal,
unke saare nakhre aaj dilo jaan se uthane ki tammanna hui,

keh rahi hai kismat ki khud ko dhoka dekar toh dekh,
aaj uski kahi baat ko ajmaane ki tammanna hui,

veeran sa rehane laga hai guzara waqt meri khushiyan dekhkar,
aaj us waqt ki hasseen ke liye apni khushi lutane ki tammannna hui,

jo likha tha kabhi naam ungaliyon se saagar kinare ret pe maine,
aaj usi naam ko apne haathon se mitane ki tammanna hui,

hansate hansate dil mein dard hone laga hai mujhe,
aaj chand aansoo palkon se girane ki tammanna hui,

hai khamoshi bahut is kali aandheri raat ke sitaron mein,
kuch sunapan iske seene se churane ki tammaanna hui,

ek masoom sa shaks hai jisne dil toda hai mera,
us insaan se phir dil lagane ki tammannna hui,

yun toh saare khawab toote hi aaye hai aankhon mein,
kuch toote hue sapne par in nighaan ko phir pirone ki tammanna hui,

yun toh is seene mein dard ka ek aashiyana hai,
ek naya zakhm par phir dil se lagane ki tammanna hui.

Main apni her aik saans usi raat ko de don

Chehray pe mere zulf ko phailaoo kisi din
Kia rozz garajtay ho, baras jao kisi din
Razon ki terha utro mere dill main kisi shab
Dastak pe mere haath ki khul jao kisi din
Pairron ki terha husn ki barish main naha loon
Badal ki terha jhoom k gher aoo kisi din
Khushboo ki terha guzro mere dill ki galii se
Phoolon ki terha mujh pe bikher jao kisi din
Guzrain Jo mere gher se tu ruk jain sitaray
Is terha meri raat ko chamkaoo kisi din
Main apni her aik saans usi raat ko de don
Ser rakh k mere seenay pe so jao kisi din.....

Kisi bhi shaqs ko

Kisi bhi dard ko khud se guzarne nahi deta,
uska pyar mujh ko ab bikharne nahi deta..
uske jaane ke baad bahut ziddi ho gaya hai yeh dil.
Kisi bhi shaqs ko khud mein utarne nahi deta..!!***

PAR SURAJ TANHA RAHTA HAI.

ek dil waalon ki basti thi,

jahan chand or suraj rahtay thay,

kuch suraj mann ka pagal tha,

kuch chand bi shokh chanchal tha,

basti basti phirtay thay,

har pal hanstay rahtay thay,

phir ek dn dono rooth gaye,

or saray sapne toot gaye,

ab chand bi uss waqt ata hai,

jab suraj so jata hai,

badal sab se kahte hain,

suraj uljha sa rahta hai,

chand kay sath sitaray hain,

PAR SURAJ TANHA RAHTA HAI...............

uski yaad nay

Aaj us ki yaad nay humain tarpaya bohat
Aaj na chahattay howay bhi woh yaad aaya bohat

Us kay baad to jaisay vehshatoon say dosti ho gayi
Phir kyon aaj tanhaiyoon nay darraya bohat

Woh mera tha, mera hai, mera rahega
Hum ne is khayal say khud ko behlaya bohat

Shamma ke jalnay per hum afsoos kerain kyoon
Hum ne bhi manind shamma khud ko jallaya bohat

Hum ne jis kissi ko bhi humdard samjha "APNA"
Woh humaray dukh pay na janay kyon muskuraya bohat????????????????