koii cheharaa huaa roshan na ujaagar aaNkhe.n

koii cheharaa huaa roshan na ujaagar aaNkhe
aaiinaa dekh rahii thii merii patthar aaNkhe

le uDii vaqt ki aa.Ndhii jinhe apane ham_raah
aaj phir DhuuNDh rahii hai vahii manzar aaNkhe

phuuT nikalii to kaii shahar-e-tamannaa Duube
ek qatre ko tarasatii huii banjar aaNkhe

us ko dekhaa hai to ab shauq kaa vo aalam hai
apane halako se nikal aaii hai baahar aaNkhe

tuu nigaaho.n kii zubaa.N Khuub samajhataa hogaa
terii jaanib to uThaa karatii hai aksar aaNkhe

log marate na dar-o-baam se Takaraa ke kabhii
dekh lete jo 'Kamaal' us kii samandar aaNkhe

ajanabii Khauf fizaao me basaa ho jaise

ajanabii Khauf fizaao me basaa ho jaise
sahar kaa shahar hii aaseb_zadaa ho jaise

[aaseb_zadaa = haunted]

raat ke pichhale pahar aatii hai aavaaze sii
duur saharaa me koi chiiKh rahaa ho jaise

[chiiKh = scream]

dar-o-diivaar pe chhaa_ii hai udaasii aisii
aaj har ghar se janaazaa-saa uThaa ho jaise

muskuraataa huu pa-e-Khaatir-e-ahabaab magar
dukh to chehare kii lakiiro pe sajaa ho jaise

[pa-e-Khaatir-e-ahabaab = for the welcome of friends]

ab agar Duub gayaa bhii to maruuNgaa na 'Kamaal'
bahate paanii pe meraa naam likhaa ho jaise

tum aur fareb khaao bayaan-e-raqiib se

tum aur fareb khaao bayaan-e-raqiib se 
tum se to kam gilaa hai ziyaadaa nasiib se 

goyaa tumhaarii yaad hii meraa ilaaj hai 
hotaa hai paharo zikr tumhaaraa tabiib se 

barabaad-e-dil kaa aaKhirii saramaayaa thii ummiid 
vo bhii to tum ne chhiin liyaa mujh Gariib se 

dhundhalaa chalii nigaah dam-e-vaapasii hai ab 
aa paas aa ke dekh luu.N tujh ko qariib se 

suu-e-maikadaa na jaate to kuchh aur baat hotii

suu-e-maikadaa na jaate to kuchh aur baat hotii 
wo nigaah se pilaate to kuchh aur baat hotii 

[suu-e-maikadaa=towards the bar/place for drinking] 

go havaa-e-gulasitaa ne mere dil kii laaj rakh lii 
wo naqaab Khud uThaate to kuchh aur baat hotii 

ye bajaa kalii ne khil kar kiyaa gulasitaa muattar 
magar aap muskuraate to kuchh aur baat hotii 

[muattar=full of itr] 

ye khule khule se gesuu, inhe laakh tuu sawaare 
mere haath se sawarate, to kuchh aur baat hotii 

go haram ke raaste se vo pahuNch gaye Khudaa tak 
terii raahaguzar se jaate to kuchh aur baat hotii 

karb ke shahar se nikale to ye manzar dekhaa

karb ke shahar se nikale to ye manzar dekhaa 
ham ko logo ne bulaayaa hame chhuu kar dekhaa 

[karb=vexation/anguish] 

jab bhii chaahaa hai ki malabuus-e-vafaa ko chhuu le 
misl Khushbuu koii uDataa huaa paikar dekhaa 

[malabuus=garment; misl=like/example; paikar=form] 

vo barasaat me bhiigaa to nigaahe uTThii 
yo lagaa hai koii tarshaa huaa patthar dekhaa 

zindagii kitanii pareshaa hai ye sochaa bhii na thaa 
is ke ataraaf me sholo kaa samandar dekhaa 

[ataraaf=all around] 

aa gaii Gam kii havaa phir tere gesuu chhuukar 
hamane viiraanaa-e-dil phir se mu'attar dekhaa 

[gesuu=hair; mu'attar=fragrant/filled with perfume] 

vo jo uDatii hai sadaa dasht-e-vafaa me "Afzal" 
usii miTTii me nihaa dard kaa gauhar dekhaa 

[dasht=desert/wilderness; nihaa.N=hidden/buried; gauhar=pearl] 

is tarah sataayaa hai pareshaan kiyaa hai

is tarah sataayaa hai pareshaan kiyaa hai
goyaa kii muhabbat nahii ehasaan kiyaa hai

sochaa thaa ki tum duusaro jaise nahii hoge
tum ne bhii vahii kaam meri jaan kiyaa hai

mushkil thaa bahuut mere liye tark-e-ta'alluq
ye kaam bhii tum ne meraa aasaa kiyaa hai

[tark (karanaa) = to give up; ta'alluq = relationship]

har roz sajaate hai terii hijr me Gunche
aaNkho ko terii yaad me guldaaN kiyaa hai

[hijr = separation; Gunche = flower buds]
[gul_daan = flower vase]

is tarah sataayaa hai pareshaan kiyaa hai

is tarah sataayaa hai pareshaan kiyaa hai
goyaa kii muhabbat nahii.n ehasaan kiyaa hai

sochaa thaa ki tum duusaro.n jaise nahii.n hoge
tum ne bhii vahii kaam merii jaan kiyaa hai

mushkil thaa bahuut mere liye tark-e-ta'alluq
ye kaam bhii tum ne meraa aasaa.N kiyaa hai

[tark (karanaa) = to give up; ta'alluq = relationship]

har roz sajaate hai.n terii hijr me.n Gunche
aa.Nkho.n ko terii yaad me.n gul_daa.N kiyaa hai

[hijr = separation; Gunche = flower buds]
[gul_daan = flower vase]

gajaraa banaa ke le aa maalaniyaa

gajaraa banaa ke le aa maalaniyaa 
vo aaye hai ghar me hamaare 
der na ab tuu lagaa 

saaraa chaman ho jinakaa diivaanaa 
aisii kaliyaa chun ke laa 
laalii ho jin me un ke labo kii 
un ko piro ke le aa 

jo bhii dekhe un kii suurat 
jhukii jhukii a.Nkhiyo se pyaar kare 
chandaa jaisaa ruup hai un kaa 
aaNkho me ras hai bharaa 

kaTi gai judaai bhi kab yuu hua ke mar gaye

kaT hii gaii judaa_ii bhii kab yuu huaa ke mar gaye 
tere bhii din guzar gaye mere bhii din guzar gaye

tuu bhii kuchh aur aur hai ham bhii kuchh aur aur ha 
jaane vo tuu kidhar gayaa jaane vo ham kidhar gaye

raaho me hii mile the ham raahe nasiib ban gaii 
tuu bhii na apane ghar gayaa ham bhii na apane ghar gaye

vo bhii Gubaar-e-Khaak thaa ham bhii Gubaar-e-Khaak the 
vo bhii kahii bikhar gayaa ham bhii kahii bikhar gaye

koii kinaar-e-aab-e-juu baiThaa huaa hai sarniguu 
kashti kidhar chalii gaii jaane kidhar bhavar gaye

tere liye chale the ham tere liye Thahar gaye 
tuu ne kahaa to jii uThe tuu ne kahaa to mar gaye

vaqt hii kuchh judaaii kaa itanaa taviil ho gayaa 
dil me tere firaaq ke jitane the zaKhm bhar gaye

baarish-e-vasl vo hu_ii saaraa Gubaar dhul gayaa 
vo bhii nikhar nikhar gayaa ham bhii nikhar nikhar gaye

itane qariib ho gaye itane raqiib ho gaye 
vo bhii "Adeem" Dar gayaa ham bhii "Adeem" Dar gaye 

faasale aise bhii honge ye kabhii sochaa na thaa

faasale aise bhii honge ye kabhii sochaa na thaa 
saamane baiThaa thaa mere aur vo meraa na thaa 

vo ki Khushbuu kii tarah phailaa thaa mere chaar suu 
mai use mahasuus kar sakataa thaa chhuu sakataa na thaa 

raat bhar us kii hii aahaT kaan me aatii rahii 
jhaaNk kar dekhaa galii me koii bhii aayaa na thaa

aks to maujuud the par aks tanahaaii ke the 
aaiinaa to thaa magar us me teraa cheharaa na thaa 

aaj us ne dard bhii apane alahadaa kar diye 
aaj mai royaa to mere saath vo royaa na thaa 

ye sabhii viiraaniyaa us ke judaa hone se thii 
aakh dhuNdhalaaii huii thii shahar dhudhalaayaa na thaa 

yaad karake aur bhii takaliif hotii thii "Adeem" 
bhuul jaane ke sivaa ab koii bhii chaaraa na thaa 

dil ajab gumbad ki jis me ik kabuutar bhii nahii

dil ajab gumbad ki jis me ik kabuutar bhii nahii
itanaa viraa to murdaaro kaa muqaddar bhii nahii

[murdaar = dead people]

Duubatii jaatii hai miTTii me badan kii kashtiyaa
dekhane me ye zamii koii samandar bhii nahii

jitane hangaame the suukhii Tahaniyo.n se jha.D gaye
ped par phal bhii nahii aagan me patthar bhii nahii

Khushk Tahanii par parindaa hai ki pattaa hai 'Adeem'
aashiyaanaa bhii nahii jis kaa koii par bhii nahii

jitanii pyaarii hai.n merii dharatii jo zanjiire 'Adeem'
itanaa pyaaraa to kisii dulhan ko zevar bhii nahii

dil ajab gumbad ki jis me ik kabuutar bhii nahii

dil ajab gumbad ki jis me ik kabuutar bhii nahii
itanaa viraa to murdaaro kaa muqaddar bhii nahii

[murdaar = dead people]

Duubatii jaatii hai miTTii me badan kii kashtiyaa
dekhane me ye zamii koii samandar bhii nahii

jitane hangaame the suukhii Tahaniyo.n se jha.D gaye
ped par phal bhii nahii aagan me patthar bhii nahii

Khushk Tahanii par parindaa hai ki pattaa hai 'Adeem'
aashiyaanaa bhii nahii jis kaa koii par bhii nahii

jitanii pyaarii hai.n merii dharatii jo zanjiire 'Adeem'
itanaa pyaaraa to kisii dulhan ko zevar bhii nahii

dil ajab gumbad ki jis me ik kabuutar bhii nahii

dil ajab gumbad ki jis me ik kabuutar bhii nahii
itanaa viraa to murdaaro kaa muqaddar bhii nahii

[murdaar = dead people]

Duubatii jaatii hai miTTii me badan kii kashtiyaa
dekhane me ye zamii koii samandar bhii nahii

jitane hangaame the suukhii Tahaniyo.n se jha.D gaye
ped par phal bhii nahii aagan me patthar bhii nahii

Khushk Tahanii par parindaa hai ki pattaa hai 'Adeem'
aashiyaanaa bhii nahii jis kaa koii par bhii nahii

jitanii pyaarii hai.n merii dharatii jo zanjiire 'Adeem'
itanaa pyaaraa to kisii dulhan ko zevar bhii nahii.

ik Khalish ko haasil-e-umr-e-ravaa rahane diyaa

ik Khalish ko haasil-e-umr-e-ravaa rahane diyaa 
jaan kar ham ne unhe naameharabaa rahane diyaa 

kitanii diivaaro ke saaye haath phailaate rahe 
ishq ne lekin hame beKhvaanamaa rahane diyaa 

apane apane hausale apanii talab kii baat hai 
chun liyaa hamne unhe saaraa jahaa rahane diyaa 

ye bhii kyaa jiine me jiinaa hai baGair un ke "Adeeb" 
shama gul kar dii gaii baaqii dhuaa rahane diyaa 

shaayad abhii hai raakh me koii sharaar bhii

shaayad abhii hai raakh me koi sharaar bhii kyo varnaa intazaar bhii hai iztiraar bhii [sharaar = spark; iztiraar = restlessness] dhyaan aa gayaa hai marg-e-dil-e-naamuraad kaa milane ko mil gayaa hai sukuu bhii qaraar bhii [marg-e-dil-e-naamuraad = death of an unsuccessful/unlucky heart] ab Dhuu.NDhane chale ho musaafir ko dosto hadd-e-nigaah tak na rahaa jab Gubaar bhii [hadd-e-nigaah = (to the) limits of one's vision] har aastaa pe naasiyaa_farsaa hai aaj vo jo kal na kar sake the teraa intazaar bhii [aastaa.N = threshold; naasiyaa_farsaa = one who rubs his forehead] ik raah ruk gaii to ThiThak kyo gaii 'Ada' aabaad bastiyaa hai pahaaDo ke paar bhii

na Gubaar me. na gulaab me mujhe dekhana

na Gubaar me na gulaab me mujhe  dekhanaa 
mere dard kii aab-o-tab me mujhe  dekhanaa 

kisii vaqt shaam malaal me mujhe sochanaa 
kabhii apane dil kii kitaab me mujhe dekhanaa 

kisii dhun me tum bhii jo bastiyo ko tyaag do 
isii rah-e-Khaanaa_Kharaab me mujhe dekhanaa 

kisii raat maah-o-najuum se mujhe  puuchhanaa 
kabhii apanii chashm puraab me mujhe  dekhanaa 

isii dil se ho kar guzar gaye kai kaaravaa 
kii hijrato ke zaab me mujhe  dekhanaa 

mai na mil sakuu bhii to kyaa huaa ke fasaanaa huu 
naii daastaa naye baab me mujhe dekhanaa 

mere Khaar Khaar savaal me mujhe DhuuNDhanaa 
mere giit me mere Khvaab me mujhe  dekhanaa 

mere aasuo ne bujhaaii thii merii tashnagii 
isii bargziidaa sahaab me mujhe  dekhanaaa 

vahii ik lamhaa diid thaa ke rukaa rahaa 
mere roz-o-shab ke hisaab me mujhe  dekhanaa  

jo taDap tujhe kisii aa_iine me na mil sake 
to phir aaiine ke javaab me mujhe  dekhanaa 

har ek harf-e-aarazuu ko daastaa.N kiye hue

har ek harf-e-aarazuu ko daastaa kiye hue 
zamaanaa ho gayaa hai un ko mahamaa kiye hue

suruur-e-aish talKhi-e-hayaat ne bhulaa diyaa 
dil-e-hazii hai bekasii ko hijr-e-jaa kiye hue

kalii kalii ko gulistaa.N kiye hue vo aayege 
vo aayege kalii kalii ko gulistaa kiye hue

sukuun-e-dil kii raahato.n ko un se maang luu 
sukuun-e-dil kii raahato ko bekaraa kiye hue

vo aaye.nge to aayege junuun-e-shauq ubhaarane 
vo jaayege to jaayege tabaahiyaa kiye hue

mai un kii bhii nigaah se chhupaa ke un ko dekh luu 
ki un se bhii hai aaj rashk badgumaa kiye hue

aaKhirii Tiis aazamaane ko

aaKhirii Tiis aazamaane ko
jii to chaahaa thaa muskuraane ko

yaad itanii bhii saKhtjaa to nahii
ik gharaudaa rahaa hai Dahaane ko

sangrezon me Dhal gaye aaNsuu
log ha.Nsate rahe dikhaane ko

zaKhm-e-naGmaa bhii lau to detaa hai
ik diyaa rah gayaa jalaane ko

jalane vaale to jal bujhe aaKhir
kaun detaa Khabar zamaane ko

kitane majabuur ho gaye hoge
ankahii baat muuh pe laane ko

khul ke hasanaa to sab ko aataa hai
log tarasate rahe ik bahaane ko

rezaa rezaa bikhar gayaa insaa
dil kii viiraaniyaa jataane ko

hasarato kii panaah_gaaho me
kyaa Thikaane hai sar chhupaane ko

haath kaaNTo se kar liye zaKhmii
phuul baalo me ik sajaane ko

aas kii baat ho ki saaNs 'Ada'
ye Khilaune hai TuuT jaane ko 

hotho pe kabhi un ke meraa naam hii aaye

honTho pe kabhii un ke meraa naam hii aaye 
aaye to sahii bar-sar-e-ilzaam hii aaye 

hairaan hai lab_bastaa hai, dil_giir hai Gunche 
Khushbuu kii zubaanii teraa paiGaam hii aaye 

lamhaat-e-masarrat hai tasavvur se gurezaa
yaad aae hai jab bhii Gam-o-aalaam hii aaye 

taaro se sajaa lege raah-e-shahar-e-tamannaa 
maqaduur nahii subho chalo shaam hii aaye 

yaado ke vafaao ke aqiido.n ke Gamo ke 
kaam aaye jo duniyaa me to is naam hii aaye 

kyaa raah badalane kaa gilaa hamsafaron se 
jis raah se chale tere dar-o-baam hii aaye 

thak haar ke baiThe hai sar-e-kuu-e-tamannaa 
kaam aaye to phir jazbaa-e-naakaam hii aaye 

baaqii na rahe saaKh "Adaa" dasht-e-junuu kii 
dil me agar andeshaa-e-anjaam hii aaye 

kabhii aasuu kabhii Khushii bechii

kabhii aasuu kabhii Khushii bechii
ham Gariibo ne bekasii bechii

chand saaNse Khariidane ke liye
roz thoDii sii zindagii bechii

jab rulaane lage mujhe saaye
me ne uqtaa ke raushanii bechii

ek ham the ke bik gaye Khud hii
varanaa duniyaa ne dostii bechii