sunaa hai log use aaNkh bhar ke dekhate hai so us ke shahar me kuchh din Thahar ke dekhate hai sunaa hai rabt hai us ko Kharaab haalo se so apane aap ko barbaad karake dekhate hai [rabt=closeness/relation] sunaa hai dard kii gaahak hai chashm-e-naazuk us kii so ham bhii us kii galii se guzar kar dekhate hai [gaahak=customer] sunaa hai us ko bhii hai sher-o-shaayarii se shagaf so ham bhii mojaze apane hunar ke dekhate hai [shagaf=passion] sunaa hai bole to baato se phuul jhaDate hai ye baat hai to chalo baat kar ke dekhate hai.n sunaa hai raat use chaa.Nd takataa rahataa hai sitaare baam-e-falak se utar kar dekhate hai sunaa hai hashr hai.n us kii Gazaal sii aaNkhe sunaa hai us ko hiran dasht bhar ke dekhate hai sunaa hai din ko use titaliyaa.N sataatii hai.n sunaa hai raat ko jugnuu Thahar ke dekhate hai.n sunaa hai raat se ba.Dh kar hai kaakul us kii sunaa hai shaam ko saaye guzar ke dekhate hai sunaa hai us kii siyaah chashmagii qayaamat hai so us ko surmaafarosh aaNkh bhar ke dekhate hai sunaa hai us ke labo se gulaab jalate hai so ham bahaar par ilzaam dhar ke dekhate hai.n sunaa hai aa_iinaa tamasaal hai jabii.n us kaa jo saadaa dil hai.n ban sa.Nvar ke dekhate hai.n sunaa hai jab se hamaa_il hai us kii gardan me mizaaj aur hii laal-o-gauhar ke dekhate hai [hamaail=something to wear around the neck] sunaa hai chashm-e-tasavvur se dasht-e-imkaan me palang zaave us kii kamar ke dekhate hai [zaave=angles] sunaa hai us ke badan ke taraash aise hai ke phuul apanii qabaaye katar ke dekhate hai vo sarv-qad hai magar be-gul-e-muraad nahii ke us shajar pe shaguufe samar ke dekhate hai [sarv-qad=tall and graceful; shaguufe=bud; samar=fruit] bas ek nigaah se luTataa hai qaafilaa dil kaa so rah_ravaan-e-tamannaa bhii Dar ke dekhate hai [rah_ravaa.N=travellers] sunaa hai us ke shabistaan se muttasil hai bahisht makiin udhar ke bhii jalve idhar ke dekhate hai [shabistan=bedroom; muttasil=near; makiin=tenant] ruke to gardishe us kaa tavaaf karatii hai chale to us ko zamaane Thahar ke dekhate hai kise nasiib ke be-pairahan use dekhe kabhii kabhii dar-o-diivaar ghar ke dekhate hai [be-pairahan=without clothes] kahaaniyaa hii sahii sab mubaalaGe hii sahii agar vo Khvaab hai taabiir kar ke dekhate hai [mubaalaGe=beyond one's limits] ab us ke shahar me Thahare ki kuuch kar jaaye 'Faraz' aao sitaare safar ke dekhate hai
sholaa thaa jal-bujhaa huu havaaye mujhe na do mai kab kaa jaa chukaa huu sadaaye mujhe na do jo zahar pii chukaa huu.N tumhii ne mujhe diyaa ab tum to zindagii kii duaaye mujhe na do aisaa kahii.n na ho ke palaTakar na aa sakuu har baar duur jaa ke sadaaye mujhe na do kab mujh ko aiteraaf-e-muhabbat na thaa 'Faraaz' kab mai ne ye kahaa thaa sazaaye mujhe na do
sakuut-e-shaam-e-Khizaa hai qariib aa jaao baDaa udaas samaa hai qariib aa jaao na tum ko Khud pe bharosaa na ham ko zom-e-vafaa na aitabaar-e-jahaa hai qariib aa jaao raah-e-talab me.n kisii ko dhyaan nahi hujuum-e-hamsafaraa hai qariib aa jaao jo dasht-e-ishq me bichhaDen vo umr bhar na mile yahaa yahaa dhuaa hi dhuaa hai qariib aa jaao ye aaNdhiyaa hai to shahar-e-vafaa kii Khair nahi zamaanaa Khaak_fashaa hai qariib aa jaao faaqih-e-shahar kii majalis nahi ke duur raho ye bazm-e-piir-e-maGaa hai qariib aa jaao 'Faraz' duur ke suuraj Garuub samajhe gaye ye daur-e-kamnazaaraa hai qarib aa jaao
sab log liye sang-e-malaamat nikal aaye
kis shahar me ham ahal-e-muhabbat nikal aaye
ab dil kii tamannaa hai to ai kaash yahii ho
aaNsuu kii jagah aaNkh se hasarat nikal aaye
har ghar kaa diyaa gul na karo tum ke na jaane
kis baam se Khurashiid-e-qayaamat nikal aaye
jo dar_paa-e-pindaar hai un qatlgaho se
jaaN deke bhii samajho ke salaamat nikal aaye
ai hamnafaso kuchh to kaho ahad-e-sitam kii
ik harf se mumkin hai hikaayat nikal aaye
yaaro mujhe masaluub karo tum ke mere baad
shaayad ke tumhaaraa qad-o-qaamat nikal aaye
saaqiyaa ik nazar jaam se pahale pahale ham ko jaanaa hai kahii shaam se pahale pahale Khush huaa ai dil ke muhabbat to nibhaa dii tuune log ujaD jaate hai anjaam se pahale pahale ab tere zikr pe ham baat badal dete hai kitanii raGabat thii tere naam se pahale pahale saamane umr paDii hai shab-e-tanhaaii kii vo mujhe chhoD gayaa shaam se pahale pahale
ranjish hii sahii dil hii dukhaane ke liye aa aa phir se mujhe chhoD ke jaane ke liye aa pahale se maraasim na sahii phir bhii kabhii to rasm-o-rahe duniyaa hii niibhaane ke liye aa kis kis ko bataayege judaa_ii kaa sabab ham tuu mujh se Khafaa hai to zamaane ke liye aa kuchh to mere pindaar-e-muhabbat ka bharam rakh tuu bhii to kabhii mujh ko manaane ke liye aa ek umr se huu lazzat-e-giriyaa se bhii maharuum ai raahat-e-jaa mujh ko rulaane ke liye aa ab tak dil-e-Khush_faham ko tujh se hai ummiide ye aaKhirii shamme bhii bujhaane ke liye aa
maanaa ki muhabbat kaa chhipaanaa hai muhabbat chupake se kisii roz jataane ke liye aa jaise tujhe aate hai na aane ke bahaane aise hii kisii roz na jaane ke liye aa
qurbato me bhii judaaii ke zamaane maaNge
dil vo bemehar ki rone ke bahaane maaNge
apanaa ye haal ke jii haar chuke luT bhii chuke
aur muhabbat vahii andaaz puraane maaNge
ham na hote to kisii aur ke charche hote
khalqat-e-shahar to kahane ko fasaane maaNge
dil kisii haal pe maane hii nahii jaan-e-'Faraz'
mil gaye tum bhii to kyaa aur na jaane maaNge