sakuut-e-shaam-e-Khizaa.N hai qariib aa jaao

sakuut-e-shaam-e-Khizaa hai qariib aa jaao 
baDaa udaas samaa hai qariib aa jaao 

na tum ko Khud pe bharosaa na ham ko zom-e-vafaa 
na aitabaar-e-jahaa hai qariib aa jaao 

raah-e-talab me.n kisii ko dhyaan nahi 
hujuum-e-hamsafaraa hai qariib aa jaao 

jo dasht-e-ishq me bichhaDen vo umr bhar na mile 
yahaa yahaa dhuaa hi dhuaa hai qariib aa jaao 

ye aaNdhiyaa hai to shahar-e-vafaa kii Khair nahi 
zamaanaa Khaak_fashaa hai qariib aa jaao 

faaqih-e-shahar kii majalis nahi ke duur raho 
ye bazm-e-piir-e-maGaa hai qariib aa jaao 

'Faraz' duur ke suuraj Garuub samajhe gaye 
ye daur-e-kamnazaaraa hai qarib aa jaao