Zindigi meri.

Baton hi baton main kat gayee Zindigi meri,
Kitne rishton main bat gayee Zindigi meri.
Apni sudh thi na zamane ki khabar,
Ishq ke bazaar main lut gayee zindigi meri.
Kuch waqt ka takaza tha kuch halat ki majboori,
Har roz badal gayee shaksiyat meri.
unhe apna kahoon to kis haq se E-doston
unki sansoon ne cheen li Zindigi meri.

Dard maze leta

khushbu jaise log mile afsane main
Aik Purana Khat khola anjane main!
Shaam ke saaye balishton se nape hain
Chanda -e- Hina ne kitni der laga di aane main!
Dil par dastak dene yeh kaun aaya hai
Kisi ki aahat sunta hoon veerane main!
Jaane kis ka zikar hai ais afsane main
Dard maze leta hai jo dohrane main!

khoon k rishte

Aahat Aahat intezaar kr k dekhna
kabhi kisi se pyar kr k dekhna
Toot jate hain khoon k rishte bhi
Ghaltian do-char kr k dekhna
Agar zndagi ka falsafa smajhna ho
barish me kachi dewar khari kr k dkhna

Muddaton baad

hum to masroof tha apni tanhaiyon mein "faraz"
Muddaton baad kisi na pukara hai
,Ek pal to hum ruk kar souchne lagay,
Kya yehi naam hmara hai

tujh se kahain

Dukh fasana nahin ke tujh se kahain
Dil bhi mana nahin ke tujh se kahain
Aaj tak apni be kali kaa sababb....
Khud bhi jana nahin ke tujh se kahain
Bay tarah haal-e-dil hay aur tujh se
Doostana nahin ke tujh se kahain
Aik too hurf aashna tha magar
Abb zamana nahin ke tujh se kahain
Qasid;hum faqeer logoon kaa
Ek thikana nahin ke tujh se kahain
Aye khuda dard-e-dil hai bakhshish-e-doost
Aab-0-danaa nahin ke tujh se kahain
Abb tou apna bhi uss gali main Faraz
Aana jana nahin ke tujh se kahain

Kahin Dil Chor Aye Ho

Kahin Dil Chord Aye Ho,
Bht Chup Chap Rehty Ho,
Na Bante Ho Na Sanwerty Ho,
Na Koi Baat Karty Ho,
Bhari Mehfil Main Bhi Aksar,
Hamesha Khoye Khoye Rehty Ho,
Udasi Ankh Main Le Ker Her
Ek Chehray Ko taktey Ho,
Koi Jab Yaad Ata Hai To
Thandi "AAH" Bhartey Ho,
To Khul Ker Kyu Nahi Kehty
Tum Kisi se Pyar Karty Ho,
Kahin Dil Chor Aye Ho,

Aankhen

Dil Ki Batain Bata Deti Hain, Aankhen,
Dharkanon Ko Jaga Deti Hain, Aankhen,
Dil Pe Chalta Nahi Jadoo, Cheroon Ka Kabhi,
Dil Ko Tu, Deewana Bana Deti Hain, Aankhen,
Woh Hum Se Baat Nahi Karte, To Na Kare,
Haal Sara Unke Dil Ka , Suna Deti Hain. Aankhen,
Gham Sada Rehta Nahi, Aadmi Ke Saath,
Ashk Bana Kar, Chalka Deti Hain, Aankhen,
Aata Hai Jab Jawaani Ka Daur, To Ae Dosto,
Sunder Sapne Zehan Mein, Basa Deti Hain, Aankhen,
Mana Ke Neend Aati Hai, Aankhon Hi Ke Raste,
Magar Kabhi Kabar, Neend, Ura Deti Hain Aankhen

Naseeb

Teri Yaadon ke Bina koi Lamha Guzaara Nahin
Ek pal Nahin jab Tumhe Humne Pukaara Nahin
Meri Naakaamiyon Ka Itna Bhi Ghum Na Kijiye
Agar aap Jeete Hain to Main Haara Nahin
Ye Naqsh-e-Dard Kaise Utar Jaaye Chehre Se
Maine Abhi Aapka Ghum Dil se Utaara Nahin
Kar Rakhaa Hai Jisne Saare Ghar Mein Ujaala
Aansu Hai Mera ye Koi Toota Hua Taara Nahin
Kisko Gale Laga Ke Royen Na-Muraad Hum
Is Bhari Duniya Mein Apna Koi Sahaara Nahin
Mareez-e-Ishq Hai Tamanai Khudkushi Ka ab
Gehre Hain Dil ke Zakhm,Aur Koi Chaara Nahin
Wo aa Ke Poonchh Den Aansu Hamari Aankhon se
Itna bhi Hamare Haq Mein Naseeb Hamara Nahin