begana

Dard bhara nagma hoon mujhe na gungunana tum,
Tuta hua khaab hoon main mujhe bhool jana tum.

Dard ki manind mujhe dil main chhupa lena tum,
Aansuon ki tarha mujhe aankh se na bahana tum.

Yeh zakham mere paas tere pyar ki nishani hai,
Bhool kar bhi in par na marham lagana tum.

Jab kabhi tum tanha ho or meri yaad stati ho,
Bewafa hoon main yahi apne dil ko samjhana tum.

Mera kaya hai ik roz jaha se rukhsat ho jaounga,
Mere baad na aankho se moti bahana tum.

Tere bina jinda laash hoon mujhe koi ehsaas nahi,
Chhukar mere jism ko koi nayi aas na jagana tum,

Jo khushi sapne or umeedain dee thi tum ne,
Kasam tumhe unki unko bhee saath le jana tum.

Tere ghar ke deepak main jal raha hai mera wajood,
Bhool ke bhi na samjhna mujhe begana tum.

Mai ek kanto bhare gulaab kay siwa kuch bhee nahi,
Mujhe bhool kar bhee seene say na lagana tum.

Usne mujh ko kho dia

Gham ki barish ne bhi uske gham ko dhoya nahi,
Usne mujh ko kho dia maine Use khoya nahi.

Neend ka halka gulabi sa khumar ankhon mein tha,
Yun laga jaise woh shab der tak soya nahiiii

Janta hoon ek aise shakhs ko main bhi Doston,
Gham se patthar ho gaya magar roya nahi.

kabhi-kabhi

aati hai unki yaad shab-e-gham kabhi-kabhi
hota hai chaand raat bhi maatam kabhi-kabhi

ye to nahin ki lab pe tabassum kabhi nahin
rehti hai meri aankh bhi pur nam kabhi-kabhi

Ye dil Unhe itni shiddat se chahta kyu hai

Ye dil Unhe itni shiddat se chahta kyu hai
Har saans ke sath Unka hi naam aata kyu hai

Woh kitna bhi mujhse talkh e talluk rakhle
Zikr phir bhi Unka meri zaban pe aata kyu hai

Yuh to hai kayi fasle Unke mere bich
Lgata phir bhi Woh mujhko meri jaan sa kyu hai

Unki Yaad main tadapne ki ho chuki hai adat meri
Unke dur hone ka phir bhi ehsaas mujko rulata kyu hai

Ye jaanta hu ke Unko nahi mohabbat mujhse
Magar phir bhi lab pe mere Unka hi naam aata kyu hai

Hai yaqeen Unko paana na hoga mumqeen mere liye
Ye dil phir bhi roz umeed ki shama jalata kyu hai

Mehsus ki hai berukhi Unki baato me kayi baar maine
Lehja wo phir bhi Unka mujhko itna bhata kyu hai

Hai khabar mujhko nikalega Woh meri chahat ka janaza ek din
Mann mera phir bhi Unke khwab sajata kyu hai

Gar bichad na hi hai to khuda humko milata kyu hai
Mujhko Doston akhir wo itna satata kyu hai

Dil mera Unko itni shiddat se chahta kyu hai
Har saans ke sath Unka hi naam aata kyu hai.

chandni raat main

chandni raat main or bhi shidat say ayay gi us ki yad .
behtar hai faraz so jana sham say pahlay.

Zamnay Se Baghawat

Unke Baghair Zindagi Ka Koi Tasawur Nahi
Maine Kuch Is Tarhan Se Unki Tamanna Ki Hai

Hamaray Darmiyaan Hai Rahain Sadiyon Ki Khamoshiyan
Main Nay UnSe Kuch Is Tarha Gufftagu Ki Hai

Meray Dil Main Baas Jayen Woh Ruh-o-Muhabat Baan Kay
Main Nay Dil Ki Geherai Say Ye Ilteja Ki Hai

Unse Milnay Se Pehlay Main Khud Se Na Aashna Tha
Samjaha Hai Piyar Ko Jab Se Muhabat Ki Hai

Meri Zindagi Ki Khushiyan UnSe Hi Hein Wabasta
Main Nay Rab Se Unhe Panay Ki Dua Ki Hai

Main Unhe Cheen Lunga Duniya Ki Rasmon Se
Main Nay Unke Liye Zamnay Se Baghawat Ki Hai