Uff

Uski Har "Uff" pe hum apni jaan lutate rahe,
Uski Shaqsiyat ko karke buland hum khudko mitate rahe,
Raahe-e-mohobbat me hamne kuch yun paya sila wafa ka,
woh dete rahe zakhm pe zakhm aur ham muskurate rahe

aayina

~*~hum aayina unhe jo dikhaane pe aa gaye
pal bhar meiN un ke hosh thikaane pe aa gaye~*

Thukra ke mujhko

Thukra ke usne mujhko,

kaha ki muskuraao!

Main bhi has diya,

aakhir sawal uski khushi ka tha.

Maine khoya woh jo mera tha hi nahi,

Usne khoya wo jo sirf usi ka tha.

Dard me koi mousam pyara nahi hota,

Dil ho pyasa to pani se gujara nahi hota.

Koi dekhe to humari bebasi,

Hum usi ke huye jate hain

Par vo humara nahi hota.

bechaniyaa iss dil ki

jab ye gum, ye tanhaai, ye jazbaat honge;
zahan me pukhtasar, hamare khayalaat honge.

pukaar lena, ya aawaz de dena hume;
sanam har rehguzar me, hum tere saath honge.

ulajh ke reh gaye jo zindgi ki tareh;
laboo pe sehme-sehme se, vahi sawalaat honge.

jo gungunaaye the kabhi, pyar me humne;
gam-e-hizr ko nazar, vahi nagmaat honge.

bechaniyaa iss dil ki, samjhoge ussi pal;
jis pal tumhare, humse haalaat honge

bikhar jaon to

Aks-e-khushbo hon bikharnay se na rokay koi
Aur bikhar jaon to mujh ko na samaitay koi

Kaanp uth'ti hon yeh soch k tanhai mein
Meray cehray pe tera naam na parh lay koi

Jis tarah khawab meray ho gaye reza reza
Is tarah se na kabhi toot k bikhray koi

Main to us din se hiraan hon jab hukam milay
Khusk phoolon ko kitabon mein na rakhay koi

Ab to is raah se woh shaks guzarta bhi nahi
Ab kis umeed se darwazay se jhankay koi

charag -e -Dil

Fasla to hai magar koi fasla nahi
Mujhse tum juda sahi dil se to juda nahi

Aasmaan ki fikr kya Aasmaan khafa sahi
Aap yeh bataiye aap to khafa nahi

Kashtiya nahi to kya hosla to paas hai
Keh do na khudao se tum koi khuda nahi

Lijiye bula liya aapko khayal men
Ab to dekhiye hame koi dekhta nahi

Aaiye charag -e -Dil aaj hi jalaye hum
Kesi kal hawa chale koi janta nahi

mohabat hoti hai, ya nahi hoti

mohabat me sawal ki jagah nahi hoti
mohabat me kabhi zabardasti nahi hoti

beech ka safar mumkin hi nahi hota
mohabat ya hoti he, ya nahi hoti

use kar do apne dum par apna kayal
sawaloon se kabhi mohabat nahi hoti

majbooriyaan bhi hoti he kabhi kisi ki
mohabat hoti to he, magar nahi hoti

pane ki chah se, mohabat na karna
mohabat ko pana hi, mohabat nahi hoti

waqt ka bereham sitam, abhi khilaf he
"Doston" iss phalsafe pe, zindagi khatam nahi hoti