Tuu Mil Bhii Jaataa

Dayaar-e-Gair Mein Kaise Toujhe Sadaa Dete
Tuu Mil Bhii Jaataa To Toujhe Gawaa Dete

Tumhii Ne Humko Sunaayaa Na Aapna Dukh Warnaa
Duwaa Woh Karte Ke Hum Aasmaan Hilaa Dete

Humein Ye Zom Rahaa Ab Ke Wo Poukaarenge
Unhein Ye Zid Thii Ke Harr Baar Hum Sadaa Dete

Wo Teraa Gham Thaa Ke Taaseer Mere Lahje Kii
Ke Jiss Ko Haal Sounaate Usse Roulaa Dete

Tumhein Bhulana Hi Avval To Dastaras Mein Nahin
Jo IKhtiyaar Bhii Hota To Kyaa Bhulaa Dete


Tumhaarii Yaad Ne Koii Jawaab Hii Na Diyaa
Mere Khayaal Ke AaNsoun Rahe Sadaa Dete

Sama'ton Ko Main Taa-Umr Kostaa Shayad
Wo Kuchh Na Kahte Magar HonTh To Hilaa Dete