gul teraa rang churaa laaye hai gulzaaro me

gul teraa rang churaa laaye hai gulzaaro me 
jal rahaa huu bharii barasaat kii bauchhaaro me 

mujh se kataraa ke nikal jaa magar ai jaan-e-hayaa 
dil kii lau dekh rahaa huu tere ruKhasaaro me 

husn-e-begaanaa-e-ehasaas-e-jamaal achchhaa hai 
Gunche khilate hai to bik jaate hai baazaaro me 

zikr karate hai teraa mujh se baa_unavaan-e-jafaa 
chaaraagar phuul piro laaye hai talvaaro me 

zaKhm chhup sakate hai lekin mujhe fan kii saugaundh 
Gam kii daulat bhii hai shaamil mere shaahakaaro me 

mujh ko nafarat se nahii pyaar se masluub karo 
mai to shaamil huu mohabbat ke gunaah_gaaro me