lab-e-Khaamosh se afshaa hogaa

lab-e Khaamosh se afshaa hogaa 
raaz har rang me rusvaa hogaa 

dil ke saharaa me chalii sard havaa 
abr gulzaar pe barasaa hogaa 

tum nahii the to sar-e-baam-e-Khayaal 
yaad kaa koi sitaaraa hogaa 

kis tavaqqo pe kisii ko dekhe 
koi tum se bhii hasii kyaa hogaa 

ziinat-e-halqaa-e-aaGosh bano 
duur baiThoge to charchaa hogaa 

zulmat-e-shab me bhii sharmaate ho 
dard chamakegaa to phir kyaa hogaa 

jis bhii fankaar kaa shaahakaar ho tum 
us ne sadiyo tumhe sochaa hogaa 

kis qadar karb se chaTakii hai kalii 
shaaKh se gul koi TuuTaa hogaa 

umr bhar roye faqat is dhun me 
raat biitii to ujaalaa hogaa 

saarii duniyaa hame pahachaanatii hai 
koi ham-saa bhii na tanhaa hogaa