chaNd sitaaro se kyaa puchhuu kab din mere phirate hai
vo to bechaare Khud hai bhikaarii Dere Dere phirate hai
jin galiyo me ham ne sukh kii sej pe raate kaaTii thi
un galiyo me vyaakul hokar saaNjh savere phirate hai
ruup-saruup ki jot jagaanaa is nagarii me jokhim hai
chaaro khuuNT baguule ban kar ghor andhere phirate hai
jin ke shaam-badan saaye me meraa man sustaayaa thaa
ab tak aa.Nkho.n ke aage vo baal ghanere phirate hain
koii hame bhii ye samajhaa do un par dil kyo riijh gayaa
tiikhii chitavan baaNkii chhab vaale bahutere phirate hai
is nagarii me baaG aur ban kii yaaro liilaa nyaarii hai
panchii apane sar pe uThaakar apane basere phirate hai
log to daaman sii lete hai jaise ho jii lete hai
'Abid' ham diivaane hai jo baal bikhere phirate hai
Saturday, May 28, 2011
chaNd sitaaro se kyaa
Subscribe to:
Post Comments (Atom)
No comments:
Post a Comment