tuu paas bhii ho to dil beqaraar apanaa hai

tuu paas bhii ho to dil beqaraar apanaa hai 
ke ham ko teraa nahii intazaar apanaa hai 

mile ko_ii bhii teraa zikr chheD dete hai 
ke jaise saaraa jahaa raaz_daar apanaa hai 

vo duur ho to bajaa tark-e-dostii kaa Khayaal 
vo saamane ho to kab iKhtiyaar apanaa hai 

zamaane bhar ke dukho ko lagaa liyaa dil se 
is aasare pe ke ik Gamgusaar apanaa hai 

'Faraz' raahat-e-jaaN bhii vahii hai kyaa kiije 
vo jis ke haath se siinaa_fiGaar apanaa hai