ishq tha use mujhse is shikayat ke sath
meri ek nazar ne use badnaam kar kiya

chalna uske sath yu raas aaya tha mujhe
ki raahon ko hi maine mukaam kar diya

accha lagta tha auro ko jalta dekhkar,jab
apni baahon ko usne mere naam kar diya

yu to samadar bhi kuch na tha mere liye,par
julfo se giri ek boond ne kaam tamam kar diya

jadugari uske aanchal ki bhi ajeeb thi
ki kadi dhoop ko sunahri shaam kar diya

bewafaai se kam nahi hota ishq ka sukoon
apno mohabbat ko maine ye paigaam kar diya