Meri Jaan!

Jaanta Hoon Main
Kay Teri Zindagi Say Ab
Nikaala Ja Chuka Hoon Main
Tum Mujhse Pyaar Karti Thi
Magar Phir Ranjishein Aisi Hui
Kay Hum ne raasty badly
Ab Ulfat Kay Sabhi Jazbay
Adawat Orhni Orhay,
Hijjar Kay Talkh Saaazon Par
Mohabbat Kay Mazaaron Per
Kai Barson Say Raqsaan Hain
Mujhe Tu Ne Bhula Daala
Naya Woh Humsafar Dhoonda
Jo Mujhko Zehar Lagta Hai
Tu Apni Zindagi Mein is Qadar Masroof Hai Shayed
Kay Meri Yaad Ka Jhonka
Tujhe Choona Bhi Jo Chahay
Tu Wapis Morr Deta Hai
Kabhi Socha Hai Kya Tu Ne,
Kay Tere Baad Meri Zindagi Kaisy Basar Hogi?
Mera Kaisay Guzar Hoga?
Main Kaisay Bhool Paaon Ga
Wo Saari Meer Ki Nazmein
Jo Tum Meri Muhabbat Mein
Mujhe Arsaal Karti Thi
Wo Ghaalib Kay Sabhi Ash'Aar
Ragon Mein Dornay Phirnay Kay Qael To Nahi Lekin
Mere Jazbaat Mein Shaamil,
Mere Dil Mein Dharakty Hain

Chalo Jo Bhi Hua Jaana!
Meri Darkhwast To Sun Lo
Meri itni guzarish hai k
Gharoob-e-Shams-e-Jeevan say Zara pehle
Mujhe Tum Milne aa jana,
Tumhein dekhay bina Jeena
Boht dushwar Hai Jaana
Tumhein ab dekh Kay marna
Boht hi pursakoon hoga