Khvaab marate nahii

Khvaab marate nahii
Khvaab dil hai na aaNkhe na saaNse ke jo
rezaa-rezaa hue to bikhar jaayege
jism kii maut se ye bhii mar jaayege

Khvaab marate nahii
Khvaab to raushanii hai, navaa hai, havaa hai
jo kaale pahaaDo se rukate nahii 
zulm ke dozaKho se bhii phukate nahii
raushanii aur navaa aur havaa ke aalam 
maqtalo me pahu.Nch kar bhii jhukate nahii

Khvaab to harf hai
Khvaab to nuur hai
Khvaab to suqraat hai
Khvaab mansuur hai